`ಸುಜನಾ`ಗೆ ಅಳಿಕೆ ರಾಮಯ್ಯ ದತ್ತಿನಿಧಿ ಪ್ರಶಸ್ತಿ
ಲೇಖಕರು : ಪ್ರಜಾವಾಣಿ
ಸೋಮವಾರ, ಫೆಬ್ರವರಿ 17 , 2014
|
|
ಫ಼ೆಬ್ರವರಿ 17, 2014
|
`ಸುಜನಾ`ಗೆ ಅಳಿಕೆ ರಾಮಯ್ಯ ದತ್ತಿನಿಧಿ ಪ್ರಶಸ್ತಿ
ಸುಳ್ಯ: :
ಬೆಂಗಳೂರಿನ ಅಳಿಕೆ ರಾಮಯ್ಯ ರೈ ಸ್ಮಾರಕ ಟ್ರಸ್ಟ್ ಕೊಡಮಾಡುವ ರಾಮಯ್ಯ ದತ್ತಿನಿಧಿ ಪ್ರಶಸ್ತಿಯನ್ನು ಸುಳ್ಯದ ಹಿರಿಯ ಯಕ್ಷಗಾನ ಕಲಾವಿದ ಸುಜನಾ ಸುಳ್ಯರವರಿಗೆ ಅವರ ಸ್ವಗೃಹ ಸುಳ್ಯದ ರಂಗಮನೆಯಲ್ಲಿ ಶುಕ್ರವಾರ ಪ್ರದಾನ ಮಾಡಲಾಯಿತು.
ಕರಾವಳಿಯ ಅನೇಕ ಪ್ರಸಿದ್ಧ ಮೇಳಗಳಲ್ಲಿ 36 ವರ್ಷ ಯಕ್ಷಗಾನ ಸೇವೆಗೈದು ಯಕ್ಷಗಾನದ ಸವ್ಯಸಾಚಿ ಎನಿಸಿಕೊಂಡ ಸುಜನಾ ಅವರಿಗೆ ಈ ಪ್ರಶಸ್ತಿಯನ್ನು ಅಳಿಕೆ ರಾಮಯ್ಯ ರೈ ಅವರ ಪುತ್ರರಾದ ಬಾಲಕೃಷ್ಣ ರೈ, ದುರ್ಗಾಪ್ರಸಾದ್ ರೈ, ಅಳಿಯ ಮಹಾಬಲ ರೈ, ರಶ್ಮಿ ದುರ್ಗಾಪ್ರಸಾದ್ ಮತ್ತು ಟ್ರಸ್ಟಿನ ಗೌರವ ಸದಸ್ಯರಾದ ಕಲಾವಿದ ಉಬರಡ್ಕ ಉಮೇಶ್ ಶೆಟ್ಟಿ ಇವರು ಫಲಪುಷ್ಪ, ಶಾಲು, ಸನ್ಮಾನ ಫಲಕ ಮತ್ತು ₨ 10,000ದೊಂದಿಗೆ ಸನ್ಮಾನಿಸಿದರು.
ಉಬರಡ್ಕ ಉಮೇಶ್ ಶೆಟ್ಟಿಯವರು ಸುಜನಾರ ಅವರೊಂದಿಗಿನ ಅವರ ಯಕ್ಷರಂಗದ ಒಡನಾಟವನ್ನು ಭಾವಪೂರ್ಣವಾಗಿ ನೆನಪಿಸಿಕೊಂಡರು. ಸಾಹಿತಿಗಳಾದ ಪ್ರಭಾಕರ ಶಿಶಿಲ, ಸುಂದರ ಕೇನಾಜೆ, ಎಂ.ಜಿ.ಕೆ.ಆಚಾರ್ಯ, ಸುಜನಾ ಪುತ್ರ ಜೀವನ್‌ರಾಂ ಸುಳ್ಯ, ಸೊಸೆ ಮೌಲ್ಯ ಜೀವನ್ ಮತ್ತಿತರರಿದ್ದರು.
ಕೃಪೆ :
http://www.prajavani.net
|
|
|
